Роналду "Сельта"га қарши майдонга туша олади

Мадриднинг "Реал" клуби етакчиси Криштиану Роналду эртага бўлиб ўтадиган Испания кубогининг чорак финал жавоб учрашувда "Сельта"га қарши майдонга тушади. Бу ҳақда AS нашри хабар бермоқда.
Аввалроқ Роналду кеча жамоа машғулотларида қатнашмагани ва индивидуал тарзда шуғиллангани ҳақида хабар берган эдик. Бугун португалиялик футболчи жамоанинг умумий гуруҳида машғулот ўтказган. Аммо, шуниси аниқки эртага Хамес Родригес "қироллик клуби"га ёрдам бера олмайди.

Эслатиб ўтамиз, "Сантьяго Бернабеу"да бўлиб ўтган дастлабки ўйинда "Сельта" 1:2 ҳисобига ғалаба қозонган эди.