Роналду "Ювентус"га янги дарвозабон сотиб олишни маслаҳат бермоқда

Туриннинг "Ювентус" клуби форварди Криштиану Роналду жамоа раҳбариятини янги трансферларга ундашда давом этмоқда.

Goal.com тарқатган хабарга қараганда 33 ёшли португалиялик футболчи “кекса синьора”га Тибо Куртуа келгач асосий таркибдаги жойини йўқотган “Реал” дарвозабони Кейлор Навасни сотиб олишни маслаҳат бермоқда.

Қайд этиш лозимки, “қироллик клуби”нинг кетма-кет 3 мавсум Чемпионлар лигасида зафар қучишида ушбу дарвозабоннинг ҳам меҳнатлари беқиёс бўлган эди.

Маълумот учун, коста-рикалик посбон жорий мавсум “Реал” сафида жами 7та ўйинда майдонга тушди ва шуларнинг 3тасида ўз дарвозаси даҳлсизлигини сақлаб қолди.