Роналду "Ювентус"нинг юбилей голига муаллифлик қилди

Хабарингиз бор кеча “Ювентус” Турин дербисида Криштиану Роналдунининг пенальтидан киритган ягона голи эвазига “Торино”ни мағлубиятга учратди.

Эътиборлиси, 33 ёшли португалиялик футболчи томонидан киритилган гол “кекса синьора”нинг А Сериядаги юбилей 5000-голи сифатида тарихга кирди. Туринликлар ушбу натижага эришган илк жамоага айланишди.

Маълумот учун, “Ювентус” айни дамда А Серияда ишонч билан пешқадамлик қилмоқда. Турин супер клуби иккинчи ўринда бораётган “Наполи”дан нақд 11 очкога илгарилаб кетган.