Роналду эртадан "Ювентус" машғулотларига киришади

"Ювентус"нинг янги футболчиси Криштиану Роналду бугун, 29 июл куни Туринга етиб келади, дея хабар беради Football Italia нашри. Эртага 30 июл кунидан бошлаб у "кекса синьора" сафидаги илк машғулотларга киришади.

Португалиялик футболчининг "Ювентус" сафидаги илк дебют учрашуви жамоанинг ёшлари билан бўладиган анъанавий ўртоқлик учрашувида бўлиши кутилмоқда.

Ўйин 12 август куни Виллар-Пероз – Турин клуби президенти Андреа Аньелли оиласи уй стадионида бўлади.