Роналду ҳозирча топ-5 чемпионатларда етакчи

Туриннинг "Ювентус" клуби форварди Криштиану Роналду жорий мавсум Европанинг кучли бешлик чемпионатларида тўп сураётган футболчилар орасида дарвоза томон зарба йўллаш бўйича яққол етакчилик қилмоқда. Бу ҳақда Opta нашри хабар бермоқда.

Унга кўра 33 ёшли португалиялик футболчи жорий мавсум А Сериянинг ортда қолган 12та турида рақиб дарвозаси томон жами 88 та зарба йўллаган. Шуларнинг 8таси якунда гол билан тугаган.

Бу кўрсатгич борасида Роналдудан кейинги ўринларда Николя Пепе ("Лилль", 55 та зарба/8та гол), Серхио Агуэро ("Манчестер Сити", 54та зарба/8та гол), Лоренцо Инсинье ("Наполи", 51та зарба/7та гол) ва Эдин Жеко ("Рома", 51та зарба/7та гол) каби футболчилар боришмоқда.