Ronaldu sobiq ustozi va sobiq jamoasiga qarshi yoxud MYu bugun o‘z maydonida "Yuventus"ni qabul qiladi

Xabaringiz bor bugun UEFA Chempionlar ligasi guruh bosqichining navbatdagi tur uchrashuvlariga start beriladi. 3-turdan o‘rin olgan markaziy uchrashuv shubhasiz “Old Trafford”da “Manchester Yunayted” hamda “Yuventus” jamoalari o‘rtasida kechadi.

Uchrashuvga oid qiziqarli faktlar:

- "Manchester Yunayted" va "Yuventus" shu kungacha o‘zaro 12 marta to‘qnash kelishgan. Bu borada tomonlar mutlaqo teng ko‘rsatgichga ega. Aniqrog‘i, o‘tkazilgan o‘yinlarning 5tasida mankuanliklar zafar quchishgan, yana 5tasida turinliklarning qo‘li baland kelgan. Kolgan 2ta o‘yinda esa kuchlar teng kelgan. To‘plar nisbati ham teng – 15:15.

- MYu Chempionlar ligasi doirasida so‘nggi 3ta o‘yindan buyon “Yuventus”ga yutqazmay kelmoqda.

- “Yuventus” Chempionlar ligasida o‘tkazgan so‘nggi6ta o‘yindan 5tasida 2,5tadan ko‘p gol urgan.

- “Yuventus” bu mavsum safardagi barcha o‘yinlarda g‘alaba qozonmoqda va xatto ularning 3tasida o‘z darvozasi dahlsizligini ham saqlab qola olgan.

- “Manchester Yunayted” esa o‘z maydonida o‘tkazilgan so‘nggi 5ta o‘yindan bor yo‘g‘i 1tasida g‘olib chiqdi.

"Manchester Yunayted" - "Yuventus"

Stadion: "Old Trafford"

Boshlanish vaqti: 00:00 

Bosh hakam: Milorad Majich (Serbiya)

Taxminiy tarkiblar:

"Man Yunayted": De Xea - Valensiya, Smolling, Lindelef, Shou - Matich, Pogba - Rashford, Mata, Martial - Lukaku

"Yuventus": Щesny - Kanselu, Bonuchchi, Kellini, Sandro - Matyuidi, Pyanich - Bernardeski, Dibala, Ronaldu - Mandjukich