Роналду – Месси қарама-қаршилиги ЕЧЛда

"Барселона" ҳужумчиси Лионель Месси мавсумни ажойиб тарзда бошлади. Криштиану Роналду "Ювентус" ўйинига киришиб кетиш учун ҳаракат қилаётган бир вақтда ЕЧЛда "Валенсия"га қарши учрашувда қизил карточка олиб, ўз ишини оғирлаштирди.

Бу эса Мессининг ЕЧЛдаги голлар сони бўйича, португалиялик футболчига етиб олиш учун қулай имкониятни тақдим этди.

Замонамизнинг икки энг кучли футболчиси ЕЧЛдаги голлар сонини мусобақанинг собиқ тўпурари Раулникидан (77 та гол) 2014/15 йилги мавсумда ошириб ташлашган эди.

Шундан сўнг Роналду кетма-кет голлар уриб, Мессидан анча ўзиб кетди. У ҳозир ЕЧЛда урилган голлар сони бўйича ҳам (120-105), еврокубоклардаги голлар сони (123-108) бўйича ҳам азалий рақибидан олдинда.

•  Биз эса ушбу икковлоннинг ЕЧЛда киритган голларини таҳлил қилиб чиқамиз.Шу йилнинг 14 февралида ПСЖ дарвозасини ишғол этиш орқали Роналду ЕЧЛда бир клуб сафида 100 та гол урган дастлабки футболчи бўлди

• Месси эса бу маррага бир ойдан сўнг - "Челси"га қарши ўйинда эришди

• Месси гол урган ўйинларда унинг жамоаси фақатгина 3 марта мағлуб бўлган экан

• Роналду етти мавсумдан бери ЕЧЛда 10 та ва ундан кўп гол уриб келмоқда

• Криштиану ЕЧЛдаги 34 ўйинида биттадан кўп гол урган

• Аммо хет-триклар сони Леода кўпроқ экан - 8:7

• Ишонишингиз қийин, аммо Роналду еврокубокларда ўзининг 30-ўйинига келибгина гол урган

• Криштиану ЕЧЛ плей-офф босқичида 50 та гол киритган дастлабки футболчи саналади

• Португалиялик футболчи ЕЧЛнинг 3 та финалида гол киритган ягона футболчи

• Роналду ЕЧЛдаги қаторасига 11 ўйинда гол киритган ягона футболчи

• Гуруҳ босқичида урилган голлар сони Месси кўпроқ - 65:60

• Роналдуга ЕЧЛда 100 та гол киритиш учун 144 та, Мессига эса 123 та ўйин  кифоя қилган.

Ана шунақа. Воқеалар ривожи кескинлашиши кутилмоқда. Зеро Роналду 3-турда "Манчестер Юнайтед"га қарши ўйинда майдонга тушиши мумкин ва балки, "Олд Траффорд"да гол киритиш португалиялик юлдузга яна насиб этар. Нима дедингиз?