Роналдудан 4 та гол ўтказган “Бавария” ҳимоячиси уни менсимади
Мюнхеннинг “Бавария” жамоаси ҳимоячиси Жером Боатенг кимларга қарши ўйнаш қийин деган саволга жавоб қайтарди.
“Месси ва Роналду – жуда ҳам қийин рақиблар. Мен бу рўйҳатга яна Бензема, Азар ва Неймарларни ҳам қўшган бўлар эдим. Мессини умуман тўҳтатиб бўлмайди. Мессига қараганда, Роналдуга қарши ўйнаш осонроқ. У кўпроқ жисмоний ҳаракатларга таянади. Криштиану ҳозир у қадар кўп дриблинг ишлатаётгани йўқ ва асосан жамоасининг ҳужумларини якунламоқда. Унда керакли вақтда, керакли жойни танлай билиш қобилияти бор”, - деб футболчининг сўзларидан иқтибос келтириб ўтди Bild нашри.
Эслатиб ўтамиз, бу мавсум Европа Чемпионлар лигаси ярим финалида Криштиану етакчилигидаги “Реал” Боатенг тўп сурадиган “Бавария”ни икки ўйин натижасига кўра, 6:3 ҳисобида мағлуб этди. Португалиялик футболчининг ўзи эса немис гранди дарвозасига икки ўйинда 4 бор “йўл” топди.
Фикрлар