Рақибларни тўпга қушиб отадиган “тўпчилар”

18 май,2017, 20:45 918

Рақибларни тўпга қушиб отадиган “тўпчилар”

Лондоннинг “Арсенал” клуби бутун дунёда ўз мухлисларига эгадир. Жумладан юртимизда ҳам “канонирлар”нинг ишқибозлари оз эмас. Ўз навбатида жамоа ҳам доимо ўз олдига олий мақсадларни қўйиб келган. Биз эса мазкур шонли жамоа таркибида клублар миқёсидаги энг нуфузли турнир саналган ЕЧЛда энг кўп гол киритган 5 футболчи билан сизларни таништирамиз.

>>“Реал”га муҳлислик қилувчилар буни билишлари керак! 

>>Месси хали ета олмаган, Роналду эса шахдам одимлаётган рекорд ҳақида

>>Буффон ета олмаган рекорд ҳақида 

4-5. Фредрик Юнгберг  – 13 та

3 млн фунт эвазига ҳарид қилинган Юнгберг Венгер томонидан амалга оширилган муваффақиятли трансферлардан биридир. Шветциялик футболчи “тўпчилар” учун 13 бор ЕЧЛда зафар қучган. Фредрикнинг “Арсенал”даги фаолиятига жароҳатлар тўсқинлик қилади ва 2007 йил МЛСга йўл олади. Юнгберг бугунги кунда “Арсенал” академиясида ёш футболчиларга футбол сир-асрорларини ўргатиб келмоқда.

4-5. Франсеск Фабрегас – 13 тадан

Фабрегасни “Арсенал” мухлислари то “Челси”га ўтгунга қадар жуда хурмат қилишар эди. 16 ёшлигидаёқ “канонирлар” сафида дебют қилган футболчи бу борада энг ёши саналади. 2006 йилги ЕЧЛ финалида тўп сурган Фабрегас “Арсенал” сафида 13 бор ЕЧЛда тўп киритишнинг уддасидан чиққан. Бундан ташқари 2 бор УЕФАнинг йил рамзий термаси сафидан ўрин эгаллаган.

3. Тео Уолкотт – 14 та

2007 йил “Динамо Загреб”га қарши ўйинда илк бор ЕЧЛда ўйин ўтказган Уолкотт куни кеча “Лудогорец”га қарши ўйинда гол киритиб, бу борада 3 ўринга кўтарилиб олди. Тео гол киритган жамоаларнинг аксарияти ўртамиёна ёки кучсиз жамоалар эканини кўриш мумкин. Масалан, “Динамо Загреб”, “Фенербахче”, “Марсель” ва бошқалар. Бироқ “Барселона” ҳамда “Ливерпуль” каби жамоалар дарвозаларига ҳам йўл топа олганини қайд этмасликнинг иложи йўқ. Келажакда Уолкотт ушбу натижани янада яхшилишига эса шубҳа йўқ.

2. Робин ван Перси – 18 та

“Фейенорд” таркибидан келиб қўшилган Робин “Юнайтед” сафига ўтиб кетгач, мухлисларнинг нафратига учради. Бунга қадар “Арсенал” сафида ЕЧЛда 18 бор зафар қучиб, жамоа учун қадрли бўлиб қолган футболчининг рақиб жамоага ўтиб кетишини ҳар қандай мухлис “ҳазм” қилиши жуда қийин албатта.

1. Тьери Анри – 35 та

Албатта, клуб тарихидаги энг яхши тўпурарни бу рўйҳатда учратмаслик ажабланарли бўларди. 2006 йилги ЕЧЛ финалида жамоани сардор сифатида бошлаб тушган Анри қулоқдор совринни “Арсенал” либосида боши узра кўтариш насиб этмайди. Шундай бўлсада, Тьери “тўпчилар” сафида 35 бор мазкур нуфузли мусобақада рақиб дарвозасини ишғол этишга муваффақ бўлган.

Тавсия этамиз: 

Шаҳзод Холбоев тайёрлади