Роналдунинг бошқа футболчилардан асосий фарқи нимада?

Туриннинг "Ювентус" клуби форварди Криштиану Роналду ўзининг бошқа футболчилардан асосий фарқи нимада эканлигини айтди.

“Менинг ёшимдаги футболчилар 100 миллион евро эвазига топ клубга кўчиб ўтишмайди. Мен умуман бошқа турдаги спортчиман. Айнан шу сабабли ҳам сўнгги 12 йилдан буён футбол дунёсида энг юқори ўриндаман.

Менинг ёшимдаги барча футболчиларни ҳурмат қилган холда айтишим мумкинки, улар бу ёшда ўзларининг аввалги юқори даражадаги ўйинларини кўрсата олишмай қолишади ва шу боис ё Хитойга, ё Ҳиндистонга ё араб давлатларига бориб ўйнашади ёки фаолиятини якунлаб қўя қолишади”, - дейди 33 ёшли португалиялик футболчи.

Эслатиб ўтамиз, Роналду “Ювентус” сафига ёзда “Реал”дан нақд 117 млн еврога кўчиб ўтган эди.