Rossiya chempionatida yana bir mashhur futbolchi to‘p surishi mumkin

“Yuventus”dan ketgach erkin agent maqomida yurgan yarim himoyachi Klaudio Markizio faoliyatini Rossiya premer-ligasida davom ettirishi mumkin.

Corriere di Torino nashri tarqatgan xabarga ko‘ra 32 yoshli italiyalik futbolchiga Sankt-Peterburgning “Zenit” klubi jiddiy qiziqish bildira boshlagan. Ta’kidlash kerakki, piterliklarga bu yo‘lda Lissabonning “Sporting” klubi raqobat qilishi mumkin.

Ma’lumot uchun, Markizio o‘tgan mavsum “Yuve” safida jami 20ta o‘yinda maydonga tushgan va o‘z hisobiga 1ta gol yozdirib qo‘yishga erishgan.