Руганининг агенти унинг "Ювентус"да қолишини айтди

"Ювентус" клуби ҳимоячиси Даниэле Руганининг агенти Давид Торкия мижози ёзги трансферлар даврида жамоадан кетмаслигини айтди.

“Ювентус” катта маблағ эвазига ҳам Руганини сотмоқчи эмас. Даниэле ҳам раҳбариятдан ўзини трансферга қўйишларини сўрамаяпти. Агар яхши таклиф бўлса, у буни албатта кўриб чиқади. Бу нормал ҳолат. Лекин, “Ювентус” ҳозирча унинг трансфери бўйича келган барча таклифларни рад этмоқда.

“Челси” Ругани учун жуда яхши таклиф билдирди, аммо “Ювентус” рози бўлмади. Умид қиламанки у янги мавсумда майдонда кўпроқ ҳаракат қилади”, - дейди Торкия.

Эслатиб ўтамиз, бундан аввалроқ “Челси” 24 ёшли футболчи учун туринликларга 40 миллион евро таклиф қилгани ҳақида хабарлар тарқалган эди.