Рус клублари футболчилари ортидан 7 миллион евро оладиган бўлди

Россия клублари УЕФА томонидан 6972086 евро оладиган бўлди. Бу ҳақда Европа клублар ассоциацияси хабар бермоқда.

Бу маблағ футболчилари Евро-2016 саралашлари ва финалида иштирок этган жамоаларга бўлиб берилади.

Бу борада энг кўпини Москванинг ЦСКА клуби оладиган бўлди (1 361 074 евро), иккинчи ўринда Санкт-Петербургнинг “Зенит” клуби (1 158 172 евро), кучли учликни эса “Краснодар” (868 247 евро) якунлаб берди.

Москванинг бошқа бир жамоаси “Спартак” эса европалик футболчилари ортидан 578 242 евро ишлаб оладиган бўлди.