“Саррисмо”ни қутқариб қолишнинг уч йўли (Эркин Ғайбуллаев блоги)

Агарда италиялик мураббий “Стэмфорд Бридж”да тўлиқ мавсумни ўтказмасдан истеъфога чиқарилиши нотўғри бўлади, аммо замонавий футболда майдонда ва унинг ташқарисидаги натижалар тезкор қарор қабул қилишни талаб қилади.

Сарри сабрли бўлиши керак аммо унинг шогирдлари сўнгги вақтларда дарҳақиқат ўта ёмон спорт формасида. Сўнгги 10 учрашувнинг нақ бештасида мағлуб бўлишди. Бешта ўйиндан тўрттаси “кучли олтилик”ка қарши ўтказилди. Лондонликлар уларга қарши беллашувларда нақ 11 гол ўтказиб юборди ва бирорта гол ҳам ура олмади. Бу уларнинг ҳар қачонгидан ҳам ўта абгор ҳолатга тушиб қолганидан дарак беради.

Бешта мағлубия ичида “Борнмут”дан йирик 4-0 ҳисоби борлиги одамни анча ўйлантириб қўяди. Бугун Европа Лигаси доирасида “Малмё” устидан қозонилган йирик ғалабадан қатъий назар Саррисмога бўлган ишонч анча пасайди. Бу Карабао Кубогида “Манчестер Сити”дан енгилганидан кейин италиялик мураббийнинг лавозими савол остига қўйди.

Аммо Сарри жамоасида ҳаммасини изга солишга ҳаракат қилмоқда, бироқ тизимдаги узилиш унга қимматга тушмоқда. Хўш, қандай қарор унинг “Стэмфорд Бридж”даги фаолияти узоққа чўзилишига ёрдам бериши мумкин?

1. Жоржиньони ротация қилиш

“Челси” Жоржиньо учун курашда “Манчестер Сити”ни доғда қолдирганди. Аслида италиялик футболчи “шаҳарликлар”га ўтишга розилик билдирганди. Бироқ “Наполи”да биргаликда юқори натижаларга эришган севимли мураббийи Лондон клубига ўтаётганини эшитгани захоти “Челси” таклифини қабул қилиб қўя қолди.

Қоғозда барчаси аъло даражада эжи. “Челси” Жоржиньо каби ўйинни назорат қилувчи бирортасига муҳтож эди. Бошида унинг ақл бовар қилмас узатмалари сони ижобий таъсир қилаётгани ҳақида тинмай бонг урилди. Аммо қиш ойлари яқинлашганидан кейин ишлар умуман юришмай қўйди.

Жоржиньонинг қийинчиликларга учраши ҳеч кимга сир эмас. Бу унинг ўйин қобилияти ҳақида эмас. Клубнинг қолган футболчилари оптимал спорт формасида бўлмаган бир паллада у ҳам ҳеч нарса қила олмайди. Асосий плеймейкер олдингидек ўта юқори даражасини ушлаб тура олмагани ҳам таъсир қилмай қўймади.

Демак, унга ҳам дам бериб туриш керак. Уни туширавермасдан тўпга яхши эгалик қиладиган Матео Ковачич каби бирортаси билан ротация қилиш керак. Хорватиялик футболчи уч кишилик ярим ҳимояда Жоржиньонинг ёнидан жой олди. Мухлисларни ўйлантирадиган нарса иккаласини ҳам бир жиҳат – тўпга эгалик қилиш бирлаштириб туради.

Сарри эса уларни иккаласидан бир вақтда фойдаланиб тўп назоратини янада кучайтирмоқчи бўлди. Аммо бу уларнинг фойдасига ишламаяпти. Шундай экан Ковачични Жоржиньо билан ротация қилган маъқулроқ. Бу италиялик футболчига жисмоний ҳолатини бир маромда сақлашига ёрдам беради.

2. Турли захира футболчиларидан фойдаланиш

“Челси”нинг “Манчестер Юнайтед”га қарши Англия Кубоги доирасидаги ўйиндан олдинги асосий таркиби бўлди. Ҳамма ижтимоий тармоқларда “кўклар”нинг ўйинга тушадиган таркибини эълон қилинмасидан аввал топиб бўлишди. Ковачич Баркли ўрнига, Виллиан Педронинг ўрнига (ёки тескариси) туширилмоқда.

Агарда Ковачич Жоржиньонинг ўрнига туширилса ҳақиқатдан бу янги ўзгариш бўлади. Сарри ўз таркибидаги футболчилардан максимал тарзда янада қизиқарли ўзгаришлар қилгани яхши.

3. Ёшлардан фойдаланиш

“Челси”нинг ёш футболчилари хусусан, Каллум Ходсон-Одои ва Рубен Лофтус-Чик дарҳақиқат ажойиб иқтидор эгалари ҳисобланади. Уларнинг истеъдоди эмас, айнан клуб тарбияланувчилари эканлиги ҳам анча ижобий ҳолат бўлади. Бу ҳам Саррисмони сақлаб қолишнинг бир йўли.

Агарда клуб қийналаётган бўлса, ғалабали ўйинлар йўқ бўлса, ҳафтада бир марта майдонга тушиш учун Лофтус-Чик ва Хадсон-Одоиларнинг ҳаққи бор! Улар клуб афсоналарининг ўйинларини кучайтиришда асқотиши мумкин. Стадионга ташриф буюрадиган мухлислар учун академия тарбияланувчиларнинг асосий таркибга ёриб кириши ва ўз ўрниларига эга бўлишини кузатишдан ажойиб ҳолат йўқ.

Боз устига улар ростдан иқтидорли. Лофтус-Чик Нголо Канте ва Жоржиньо ёнида учинчи бўлишга лойиқ. Тўп билан муомала қилиш, узатма ошириш, зарба йўллаш каби сифатлари юқори савияда. Жисмонан бақувват, техникаси ажойиб. У “Челси”нинг Марек Гамшики бўлиши мумкин.

Хадсон-Одои эса вингер сифатида жамоадан ўрин олиши мумкин. Балки Азарнинг “Реал”га ўтишидан кейин унга муносиб ўринбосар бўлар... “Кўклар” бельгиялик етакчисига четдан ўринбосар қидириши шартмас. Зеро клубда ўшандай футболчи бўлса бунга эҳтиёж йўқ. У Саррисмони қутқариб қолишда қўлидан келганини қилади. Фақатгина унга имкон берилса бўлди.