Сауль Ньигес: Куртуанинг "Реал"га ўтишини кутмагандим

Мадриднинг "Атлетико" клуби ярим ҳимоячиси Сауль Ньигес собиқ жамоадоши Тибо Куртуанинг "Челси"дан "Реал"га ўтишига ишонмаганини айтди.

“Мен Куртуани “қироллик клуби” либосида кўриб ҳайрон қолдим, чунки буни кутмагандим. У оиласи билан бирга бўлишни хоҳлади ва “Атлетико” мухлислари ҳам буни тўғри тушунишлари керак. Биламан, у “Атлетико”ни яхши кўради”, - дейди Сауль.

Маълумот учун, бельгиялик посбон “матрасчилар” сафида 2011-2014 йилларда тўп сурган. 

Эслатиб ўтамиз, бугун Ла Лиганинг 7-турида "Реал" айнан "Атлетико"га қарши баҳс юритади ва "қироллик клуби" дарвозасини катта эҳтимол билан айнан Куртуа қўриқлайди.