"Севилья" "Наполи" футболчисини ижарага олди

Италиянинг “Наполи” клуби ярим ҳимоячиси Марко Рог мавсумни Испанияда якунлайдиган бўлди.

Аниқроғи “Севилья” 23 ёшли хорватиялик футболчи мавсум якунигача ижарага олди. Бу ҳақда андалусияликлар расмий сайти хабар бермоқда.

Маълумот учун, “Наполи” Рогни 2016 йил “Динамо” Загребдан 15 млн евро эвазига сотиб олган эди. У жорий мавсум А Серияда жами 9та ўйинда иштирок этди ва 1та гол уришга эришди.