"Шанхай СИПГ" қай тарзда "Гуанчжоу Эвергранд"ни мағлуб этди? (Фото+видео)

Ўзбекистон миллий терма жамоаси сардори Одил Аҳмедов фаолият олиб борадиган "Шанхай СИПГ" клуби чемпионлик учун курашда асосий рақобатчиси бўлган "Гуанчжоу Эвергранд" меҳмони бўлди.

"Тианҳе" стадионида кечган қарама-қаршилик голларга бой ўтди ва унда шанхайликлар 5:4 ҳисобида ғалаба қозонишди. Аҳмедов учрашувни асосий таркибда бошлади ва тўлиқ 90 дақиқа ўйнади.

Шу тариқа "Шанхай СИПГ" чемпионат баҳслари тугашига икки тур қолганида энг яқин таъқибчисини 5 очкога ортда қолдири. Чемпионликни нақд қилиш учун эса Витор Перрейра шогирдларига яна 1очко олиш талаб этилади. Жамоа ўзининг навбатдаги учрашувини 7 ноябр куни "Бэйжинг Жэньхе" жамоасига қарши ўтказади.

Қуйида кечаги беллашувдан олинган фотосуратлар ва дарвозаларга киритилган голлар акс этган видеолаҳвани  томоша қилиш имконига эгасиз.