Sherzod Nasrullaev: Bu nafaqat bizning, balki o‘zbek futbolining g‘alabasi hamdir

"Avvalambor musobaqa tashkilotchilari va bizni qo‘llab-quvvatlagan barcha futbol ishqibozlariga rahmat demoqchiman. Bu nafaqat bizning balki o‘zbek futbolining g‘alabasi hamdir. O‘yinlar juda ham yaxshi saviyada o‘tdi. Barcha raqiblar bizga kuchli qarshilik ko‘rsatganlariga qaramasdan biz g‘olib bo‘lishga erishdik. Bu terma jamoamizning yurtimizga bayram tuhfasi bo‘lgan bo‘lsa ajab emas.

Himoyachi bo‘lishimga qaramasdan men kiritgan to‘p musobaqaning “Eng chiroyli gol” nominatsiyasida g‘olib chiqdi. Bundan juda ham xursand bo‘ldim va keyingi o‘yinlarda ham to‘p kiritish ishtiyoqi kuchaydi. So‘zim oxirida, bizga ishonch bildirib shu musobaqaga yuborgani uchun xalqimizga, futbol ixlosmandlariga hamda O‘zbekiston futbol assotsiatsiyasiga yana bir bor minnatdorchilik izhor etaman", - dedi Nasrullaev.