Шомуродовнинг жамоасига янги футболчиларни рўйхатдан ўтказиш таъқиқланди

Россия футбол иттифоқи ҳамюртимиз Элдор Шомуродов тўп сурадиган “Ростов” клубини янги футболчиларни рўйхатдан ўтказишни таъқиқлаб қўйди. Бунга таъқиқ ростовликлар жамоанинг собиқ ҳимоячиси Евгений Макеев олдидаги қарздорликни бартараф этишмагунига қадар кучида туради.

Гап шундаки, “Ростов” Макеев билан амалдаги шартномани муддатидан аввал бекор қилгани учун унга товон пули тўлашлари лозим.

Маълумот учун, Макеев 2017/18 йилги мавсум “Ростов” сафида тўп сурган ва 16та учрашувда иштирок этган.