Собиқ жаҳон чемпионлари куч синашиши мумкин

Собиқ жаҳон чемпиони Келл Брук ва икки вазнда собиқ жаҳон чемпиони Жесси Варгас ўзаро рингда учрашиши мумкин. Бу жанг жорий йилнинг 6 апрелида АҚШда ўтказилиши режалаштирилмоқда, дея хабар беради Boxingnews24 нашри.

– Ўйлайманки, бу ҳақиқатга яқин маълумот. Чунки жанг борасида музокаралар кетмоқда, — дейди Варгас.

Аввалроқ Келл Брук кейинги жангини Амир Хан билан ўтказишни афзал билган, аммо Хан Теренс Кроуфорд билан 20 апрел куни жанг қилади.

Келл Брук олдинги жангини 2018 йил 8 декабрида ўтказиб, Майкл Зерафни очколар билан ютган. Жесси Варгас эса сўнгги марта 2018 йил 6 октябрда рингга чиқиб, Чикагода Томас Дюлорм билан дуранг қайд этган.