Стол тенниси. Ўзбекистон терма жамоаси жаҳон чемпионатида иштирок этади
29 апрель – 6 май кунлари Швециянинг Ҳалмштад шаҳрида стол тенниси бўйича терма жамоалар ўртасида жаҳон чемпионати бўлиб ўтади.
Ушбу нуфузли мусобақада Ўзбекистон терма жамоаси ҳам эркаклар ҳам аёллар ўртасидаги баҳсларда иштирок этади. Бугун спортчиларимиз жаҳон чемпионатига жўнаб кетадилар.
Терма жамоамиз Швециядаги жаҳон чемпионатида қуйидаги таркибда қатнашади:
Эркаклар:
Зоҳид Кенжаев
Қутбидилло Тешабоев
Геннадий Левченко
Аёллар:
Римма Гуфранова
Оля Ким
Регина Ким
Бош мураббий: Саида Махмудова
Маълумот учун, эркаклар терма жамоаси учинчи дивизионнинг гуруҳ босқичида Мексика, Янги Зеландия, Шри Ланка, Конго ва Жанубий Африка Республикаси мамлакатларига қарши ўйинлар ўтказади.
Қизларимиз эса иккинчи дивизионда Франция, Хорватия, Колумбия, Словакия ва Мексика терма жамоаларига қарши баҳс юритадилар.
Фикрлар