Таэквондочиларимиз жаҳон кубогида 45та медални кўлга киритди

Жорий йилнинг 29 ноябрь – 3 декабрь кунлари Беларусь Республикаси пойтахти Минск шаҳрида таэквондо ITF йўналиши бўйича ёшлар , кадетлар ва катталар ўртасида Жаҳон Кубогида мусобақалари бўлиб ўтди.

Дунёнинг 18 давлатидан 1975 нафар спортчи иштирок этган ушбу мусобақада юртимиз шарафини 53 нафар спортчимиз ҳимоя қилишди. Делегациямизга Ўзбекистон Таэквондо ITF Ассоциация раҳбари Лазиз Хасанов бошчилик қилди. Ўзбекистонлик спортчилар мусобақада 18 та олтин, 9 та кумуш ва 18 та бронза медални кўлга киритиб, умумжамоа ҳисобида иккинчи ўринни эгаллашди.

Спортчиларимиз бугун юртимизга қайтиб келадилар. Терма жамоамиз соат 20:00да, Ислом Каримов номидаги “Тошкент” халқаро аэропортида тантанали равишда кутиб олинади.

Маълумот учун, 8-9 декабр кунлари пойтахтимизда таэквондо ITF спорт тури бўйича Ўзбекистон Кубоги мусобақалари бўлиб ўтади, тадбирда Халқаро Таэквондо ITF президенти, IMGS Бутун жаҳон якка кураш ва жанг санъати президенти иштирок этиши кутилмоқда.