Тезкор хабар! Сардор Рашидов фаолиятини Европада давом эттиради

2018 йилги мавсумда "Локомотив" сафида фаолият юритган Сардор Рашидов кейинги фаолиятини Европада, Португалиянинг "Насьонал" клуби сафида давом эттиради. Бу ҳақда "Локомотив" матбуот хизмати хабар бермоқда.

Ўтган йилнинг январида "Локомотив" сафини тўлдирган Сардор жамоа таркибида ажойиб ўйинлар кўрсатганди. У "темирйўлчилар" учун 31 ўйинда қатнашди ва 11 гол киритишга муваффақ бўлди.