Тимо Вернер Германия терма жамоасининг асосий камчилиги нимада эканлигини айтди

Германия терма жамоаси ҳужумчиси Тимо Вернер кеча Миллатлар лигаси доирасида Голландиядан (0:3) учралган йирик ҳисобдаги мағлубиятдан сўнг ўз фикрларини билдириб ўтди.

“Учрашув бошида биз жуда яхши ўйин кўрсатдик, кўплаб вазиятлар яратдик, рақибни тўпсиз югуришга мажбур қилдик ва истаган ишимизни қилдик.

Кейин эса ўша бурчак зарбаси амалга оширилди, тўп дарвоза тўсинига тегиб қайтди, қайтган тўп эса дарвозадан жой олди – 1:0. Бу биз учун кучли зарба бўлди.

Шундан кейин ҳам бизда вазиятлар бўлди, бироқ улардан фойдалана олмадик. Бу бизнинг асосий камчилигимиз”, - дейди Вернер.

Эслатиб ўтамиз, Германия қаторасига 3та расмий ўйиндан буён рақиблари дарвозасини ишғол эта олмаяпти.