Тошкент қиличбозлик бўйича жаҳон кубогига тайёр

Аввал хабар бериб ўтганимиздек, 17-18 ноябрь кунлари Тошкент шаҳри қиличбозликнинг сабля йўналиши бўйича ўсмир қизлар ўртасидаги жаҳон кубоги баҳсларига мезбонлик қилади. Бу ҳақда МОҚ расмий сайти хабар бермоқда. 

Мусобақада жаҳоннинг 14 мамлакатидан 53 нафар ёш қиличбоз қизлар совринли ўринлар учун кураш олиб боришади. 17 ноябрь куни спортчилар яккалик баҳсларида иштирок этсалар, 18 ноябрь куни жамоавий беллашувлар ўтказилади.

Мазкур жаҳон кубоги спортчилар учун қимматли бўлган рейтинг очколарини тақдим этади. Яккалик баҳсларида чемпионликни қўлга киритган спортчи 32 рейтинг очкосига эга бўлади. Жамоавий мусобақада ғолиб бўлган терма жамоа эса 64 рейтинг очкосини ишлаб олади.

Баҳслар Ўзбекистон гимнастика федерациясига қарашли «Универсал» спорт саройида бўлиб ўтади. Беллашувларга эртага соат 10:00 да старт берилади.

Фикрлар

Фикр қолдириш учун авторизациядан ўтинг!