“Тоттенхэм” ёзда 4 дақиқада ўйинни ҳал қиладиган футболчини сотиб олади

Мадриднинг “Атлетико” клуби ёзда ўзининг франциялик форварди Кевин Гамейро билан ҳайрлашиши мумкин.

Daily Mirror нашрининг хабар беришича 29 ёшли футболчи фаолиятини Англия премьер-лигасида давом эттириши мумкин. Аниқроғи, Лондоннинг “Тоттенхэм” клуби Гамейро билан ўз ҳужум чизиғини кучайтирмоқчи.

Маълумот учун, Гамейро “матрасчилар” сафига ўтган ёзда келиб қўшилган эди. У ўтган давр мобайнида жами 34та учрашувда иштирок этиб, ўз ҳисобига 12та гол ҳамда 6та голли узатма ёздириб қўйишга эришган. Унинг “Атлетико” билан амалдаги шартномаси 2020 йилга қадар имзоланган.