"Тоттенхэм"нинг собиқ ҳужумчиси фаолиятини якунлагани ҳақида эълон қилди

АҚШлик машҳур футболчи Клинт Демпси футболчилик фаолиятини якунлагани ҳақида эълон қилди.

“Узоқ ўйланишлардан сўнг мен ва оилам айнан ҳозир фаолиятимни якунлаш учун энг қулай фурсат деб қарор қилдик. Фурсатдан фойдаланиб футболчилик фаолиятим давомида мен билан бирга ишлаган барча мураббий ва футболчиларга ўз миннаддорчилигимни билдирмоқчиман”, - дейди Демпси.

Маълумот учун, Демпси фаолияти давомида «Нью-Инглэнд Революшн», «Фулхэм» ва «Тоттенхэм» каби жамоаларда тўп сурган. 35 ёшли футболчининг сўнгги жамоаси «Сиэттл Саундерс» клуби бўлди.

АҚШ терма жамоаси сафида эса 2006, 2010 ва 2014 йилги жаҳон чемпионатларида иштирок этди ва 3та мундиалда гол уришга эришган илк АҚШлик футболчига айланди.