US Open. Бугун Надаль ва Федерерлар ярим финал учун кортга чиқади

АҚШнинг Нью-Йорк шаҳрида давом этаётган “катта дубулға” туркумига кирувчи “US Open” турнирининг чорак финал баҳслари бошланди.

Пабло Каррено-Буста(Испания) аргентиналик Диего Себастьян Шварцманга қарши кортга чиқди. 1 соат 59 дақиқа давом этган баҳсда  АТP рейтингида 12-ўринда бораётган испаниялик теннисчи 6:4, 6:4, 4:2 ҳисобида ғалаба қозонди.

АҚШлик Сэм Куэрри эса жанубий африкалик Кевин Андерсондан 6:7, 7:6, 3:6, 6:7 ҳисобида мағлуб бўлди.

Бугун яна икки баҳс бўлиб ўтиши режалаштирилган. Унга кўра, жаҳоннинг биринчи ракеткаси Рафаэьл Надаль россиялик Андрей Рублевга қарши кортга чиқади.

Швейцариялик Рожер Федерер эса аргентиналик Хуан Марин дель Потро билан куч синашади.