Уилшер "Арсенал"дан кетганини эълон қилди

Лондоннинг “Арсенал” клуби ярим ҳимоячиси Жек Уилшер жамоадан кетишга қарор қилди.

26 ёшли англиялик футболчи “канонирлар” сафидан кетгани ҳақида ўзининг Инстаграмдаги саҳифасида эълон қилди. Хабарларга қараганда Уилшер жамоанинг янги устози Унаи Эмери билан бўлган суҳбатдан сўнг “Арсенал” билан шартномани узайтирмасликка қарор қилган.

Маълумот учун, Уилшер “Арсенал” сафида 2008 йилдан буён тўп суриб келаётган эди. У ўтган давр мобайнида 197та ўйинда майдонга тушган ва рақиблари дарвозасига 14та гол киритишга эришган.