"Валенсия" "Атлетико" ҳужумчисини таркибга қўшиб олди

“Валенсия” клуби “Атлетико” ҳужумчиси Кевин Гамейро билан келишувга эришгани маълум қилди.

Гамейро “Атлетико”га 2016 йил “Севилья”дан ўтган эди ва шу вақтга қадар мадридликлар сафида барча турнирларда 82 ўйинда 27 голга муаллифлик қилган.

Ҳозирча 31 ёшли франциялик футболчининг шартнома шартлари ва трансфер нархи ҳақида маълумотлар ошқор қилинмаётир.

Ўтган ҳафта “Валенсия” таркибни Бельгия терма жамоаси аъзоси Миши Батшуайи билан тўлдирган. Жамоа уни “Челси”дан ижарага олган.