Видаль "Барселона"га ўтади

Мюнхеннинг "Бавария" клуби ярим ҳимоячиси Артуро Видаль фаолиятини "Барселона"да давом эттиради.

Goal.com интернет нашри тарқатган хабарга кўра 31 ёшли чилилик футболчи яқин вақтлар ичида тиббий кўрикдан ўтиш учун Каталонияга йўл олади. Унинг трансфери эса “кўк-анор ранглилар”га 20 млн еврога тушиши айтилмоқда.

Эслатиб ўтиш лозимки, Видаль учун шунингдек “Милан” ва “Интер” клубилари ҳам жиддий кураш олиб боришган эди.

Маълумот учун, Видаль ўтган мавсум “Бавария” сафида жами 35та ўйинда майдонга тушиб ўз ҳисобига 6та гол ёздириб қўйишга эришган.