Видаль: Жорди Альба ва Луис Энрикенинг муносабатлари ҳамиша яхши бўлмаган

"Барселона" ҳимоячиси Алейш Видаль нега Луис Энрике Жорди Альбани Испания терма жамоасига чақирмаётгани сабабини айтди.

“Луис Энрике – кучли характерли инсон. У билан ишлаш бошида қийин туюлиши мумкин, аммо у ажойиб мутахассис. У билан бирга ишлаган пайтларимда руҳан эзилардим, бироқ бир куни у менга ишонганини ва асосий таркибда ўйнашимни айтганди.

Альбага келадиган бўлсак, у ва Луис Энрике ўртасида ҳамиша можаролар бўлиб келган, уларнинг муносабатлари яхши бўлмаган. Лекин, шунга қарамай Жорди Испаниянинг энг кучли чап қанот ҳимоячиси ҳисобланади”, - дейди Видаль.