Виктор Кумиков: Биринчи гол барча масалани ҳал қилди

Суперлига 9-туридан ўрин олган “Қизилқум” – АГМК учрашувидан (3:0) кейинги матбуот анжуманида дастлаб меҳмонлар устози Виктор Кумиков ва жамоа футболчиси Жавлон Гусейнов иштирок этди.

"Ҳаммасини бизнинг дарвозамига пенальтидан киритилган биринчи гол ҳал қилди. Ўша вазиятда гол ўтказмаганимизда ҳаммаси бошқача кечиши мумкин эди. Одатда бунақа вазиятларда пенальти белгиланмайди. Шундан кейин олдинга ўтишга мажбур эдик. Бизни қарши ҳужумларда мезбонлар “жазолашди”, - деди россиялик мутахассис. 

"Ўзимизнинг хатоларимиз эвазга мағлуб бўлдик. Кейинги ўйинларда ғалаба қозонишимиз шарт. Йўқотадиган очколаримизни йўқотиб бўлдик", - дея фикр билдирди Жавлон Гусейнов.