Хитой клуби футболчисини Бразилияга сотмоқчи

Хитойнинг “Тянжинь Цюанжянь” клуби ярим ҳимоячиси Жадсон фаолиятини ўз ватанида давом эттириши мумкин. Globoesporte нашрининг хабар беришича 33 ёшли футболчи Бразилиянинг “Коринтианс” клуби билан шартнома имзолашга жуда яқин турибди.

Таъкидлаш керакки Жадсон тиббий кўрикдан ўтиш учун аллақачон Бразилияга етиб келган ва тез кунларда томонлар ўзаро шартнома имзолашлари кутилмоқда.

Маълумот учун, Бразилия терма жамоаси футболчиси “Тянжинь Цюанжянь” таркибида ўтган мавсум жами 29та ўйинда иштирок этган ва 6та голга муаллифлик қилган.