Хитойликлар "Реал"ни ҳам, Бенземани ҳам рози қилишмоқчи

Мадриднинг "Реал" клуби ўзининг франциялик ҳужумчиси Карим Бензема борасида ажойиб таклиф олди.

Football Espana нашри тарқатган хабарга кўра 30 ёшли футболчининг хизматларига Хитой клубларидан бири жиддий қизиш билдира бошлаган. Таъкидлаш керакки, хитойликлар нафақат “Реал”ни, балки футболчининг ўзини ҳам рози қилишмоқчи. Аммо, ҳозирча бу борада аниқ рақамлар ошкор этилмаяпти.

Маълумот учун, Бензема жорий мавсум “Реал” сафида жами 11та ўйинда иштирок этди ва ўз ҳисобига 5та гол ёздириб қўйишга эришди. Унинг мадридликлар билан амалдаги шартномаси 2021 йилга қадар имзоланган.