Xummels "Bavariya"dan ketadi

Myunxenning “Bavariya” klubi himoyachisi Mats Xummels jamoasini o‘zgartirishi mumkin.

Bild nashri tarqatgan xabarga ko‘ra 30 yoshli germaniyalik futbolchi “Bavariya”dan joriy qishki transferlar chog‘idayoq ketmoqchi. Unga “Chelsi” va “Tottenxem”dan jiddiy takliflar bor.

Xummelsning agenti Mark Kositske ayni damda Londonda bo‘lib turibdi va mijozining transferi bo‘yicha muzokaralar o‘tkazmoqda.

Ma’lumot uchun, Xummels joriy mavsum Bundesligada 9ta o‘yinda maydonga tushib, jamoasining 1ta goliga assistentlik qilishga muvaffaq bo‘ldi.