Янги мавсумда "Реал" ёки "Барселона" чемпионат ўйинларидан бирини Испанияда ўтказмаслиги мумкин

Аввал хабар берганимиздек Ла Лига раҳбарияти ўз брендини Шимолий Америка қитъасида ҳам оммалаштириш мақсадида Relevant компанияси билан 15 йиллик дастурни имзолади.

Эътиборлиси, ушбу дастур доирасида Ла Лиганинг баъзи учрашувлари АҚШ ва Канада давлатларида ўтказилади. El Mundo Deportivo нашри тарқатган хабарга кўра ҳамкорлик доирасида жорий мавсум “Реал” ёки “Барселона” жамоаларидан бири иштирокидаги чемпионат ўйини океан ортида бўлиб ўтади. Бу 2018 йил охиригача ёки 2019 йилнинг биринчи ярмигача амалга оширилади.