Yosh karatechilarimiz yana shohsupada

Hindistonning Lakxnau shahrida karate bo‘yicha an’anaviy xalqaro turnirda Toshkent shahri, Uchtepa tumanidagi 1-bolalar va o‘smirlar sport maktabi tarbiyalanuvchilari mamlakatimiz sharafini munosib himoya qildi.

Qahramon Dehqonov shogirdlari mazkur musobaqada 5 oltin va 1 kumush medalni qo‘lga kiritdi.

Mazkur musobaqada Asilbek Sagatov, Shohijahon Abdusattorov, Boburshox Hakimov, Vorisxon Zayniddinov va Aziza Sanatbekova o‘z vazn hamda yosh toifalarida birinchi o‘rinni qayd etishdi.

Shuningdek, yosh karatechilarimizda Shahzoda Bo‘ronova 12-13 yoshli qizlar o‘rtasida kumush medal bilan taqdirlandi.