Юрген Клопп: Мухлислар Кариусни қўллаб-қувватлашидан хурсандман

"Ливерпуль" клуби бош мураббийи Юрген Клопп "Торино"га қарши учрашувда (3:1) жамоа мухлислари дарвозабон Кариусни олқишлар билан кутиб олганлари ҳақида ўз фикрини билдирди.

Эслатиб ўтиш жоизки, Кариус иккинчи таймда Алиссоннинг ўрнига майдонга тушди ва мухлислар уни олқишлар билан кутиб олишди.

- Тан олиш лозим, мени бу вазият ҳайратга солгани йўқ. Инсон сифатида мен бунга умид қилгандим ва бундай қўллаб-қувватлаш мени қувонтирди. Биз ўзимизни яхши кўрсатдик. 
Биласизми, бу Лорисга ҳам Алиссонга ҳам яхши таъсир этди, улар "Энфильд" қандай ажойиб жой эканлигини тушунишди, - дея Клоппнинг сўзларидан иқтибос кетиради This is Anfield нашри.