"Юве" мухлислари Жозени ҳақоратлашди Моуриньо уларга антиқа жавоб қайтарди

"Ювентус" клуби мухлислари ЕЧЛ 3-тури доирасида жамоанинг "Манчестер Юнайтед"га қарши учрашувда МЮ бош мураббийи Жозе Моуриньони ҳақоратлашган.

Мухлисларнинг ҳақоратларига, Моуриньо ўзгача жавоб қайтарди. Жозе туринлик клуб мухлисларига 3та бармоқғини кўрсатди. Ушбу ҳаракат билан у ўзининг Италиядаги треблини эслатди.

Жозе Миланнинг "Интер" клубида фаолият олиб бораётганида требл қайд этган. "Интер" 2009/10 йилларда Италия Кубоги, А Серия чемпионати ҳамда Чемпионлар лигасида ғалаба қозонган.
Айтиб ўтиш жоизки, миланликлар бундай натижани қайд этган Италиянинг ягона жамоаси бўлиб қолмоқда.

Аввалроқ, португалиялик мутахассис "Челси" мухлисларига ҳам худди шундай ҳаракат билан "лондонликлар" билан треблни қайд этганини эслатиб ўтди.