"Ювентус" Дибалани қанчага сотмоқчи?

Туриннинг "Ювентус" клуби ҳужумчи Пауло Дибаланинг трансфер баҳосини эълон қилди.

Corriere di Torino нашри тарқатган хабарга кўра “кекса синьора” 24 ёшли аргентиналик футболчини 100 млн еврога баҳоламоқда. Бордию қайсидир жамоа ушбу маблағни тўлаб Дибалани сотиб олса, туринликлар ушбу маблағларни ёзда “Реал”дан сотиб олинган ҳужумчи Криштиану Роналдунинг трансфери учун сарфланган пулларни бир қисмини тўлдиришга йўналтиришмоқчи.

Таъкидлаш керакки, “Юве” ўшанда 33 ёшли порутгалиялик футболчи учун “қироллик клуби”га 117 млн евро тўлаган эди.

Маълумот учун, Дибала жорий мавсум “Ювентус” сафида жами 11та ўйинда майдонга тушди ва ўз ҳисобига 5та гол ҳамда 1та голли узатма ёздириб қўйишга эришди.