"Ювентус" "Интер" кўзлаган футболчини сотиб олмоқчи

Туриннинг "Ювентус" клуби "Сампдория" ҳимоячиси Йоахим Андерсенга жиддий қизиқиш билдира бошлади. Бу ҳақда Tuttomercatoweb нашри хабар тарқатмоқда.

Унга кўра “кекса синьора” 22 ёшли даниялик футболчини сотиб олиш борасида "Сампдория"га таклиф тайёрламоқда. Айтиш лозимки, Андерсенга шунингдек Миланнинг “Интер” клуби ҳам кураш олиб бормоқда.

Маълумот учун, Андерсен “Сампдория” сафида 2017 йилдан буён тўп суриб келмоқа. У ўтган давр мобайнида жами 17та баҳсда майдонга тушган ва жамоасининг 1та голига муаллифлик қилган.