"Ювентус" Погба учун МЮга қанча таклиф қилмоқчи?

Туриннинг "Ювентус" клуби "Манчестер Юнайтед" хавбеки Поль Погбани ортга қайтариш учун қанча маблағ таклиф қилиши маълум бўлди.

Tuttosport нашрининг хабар беришича туринликлар 25 ёшли француз учун катта маблағ сарфлашмоқчи эмас. Шу боис “кекса синьора” раҳбарияти Погба учун МЮга 70 млн евродан ортиқ пул таклиф қилмайди.

Эслатиб ўтамиз, Погбага шунингдек Каталониянинг “Барселона” клуби ҳам жиддий қизиқиш билдирмоқда.

Маълумот учун, Погба жорий мавсум "Манчестер Юнайтед"да 11та ўйинда майдонга тушиб, ўз ҳисобига 4та гол ҳамда 3та голли узатма ёздириб қўйишга эришди.