"Ювентус" Португалия терма жамоаси аъзосини сотиб олмоқчи

"Ювентус" Португалия терма жамоаси ва "Вулверхэмптон" клуби ярим ҳимоячиси Рубен Невешга жиддий қизиқиш билдира бошлади.

Football Italia нашри тарқатган хабарга кўра туринликлар вакиллари 21 ёшли футболчининг агенти Жорже Мендеш билан учрашишган. Невешга шахсан жамоа бош мураббийи Массимилиано Аллегри жиддий қизиқиш билдирмоқда. Унинг фикрича Чемпионлар лигаси плей-офф босқичида Невеш жамоани кучайтириши мумкин.

Маълумот учун, Невеш “Вулверхэмптон” сафига 2017 йил “Порту”дан 17 миллион фунт эвазига келиб қўшилган эди. Эътиборлиси, бу “Вулверхэмптон” тарихидаги энг қиммат трансфер бўлган эди.