"Yuventus" Ronalduning transferini qachon e’lon qilishi ma’lum bo‘ldi

Туриннинг “Ювентус” клуби раҳбарияти имкон қадар тезроқ португалиялик ҳужумчи Криштиану Роналду билан шартнома имзолашга ҳаракат қилмоқда.

SportMediaset нашри тарқатган хабарга кўра бугун “Ювентус”да фавқулодда йиғилиш бўлган ва ушбу йиғилиш сабаб клуб презиленти Андреа Аньелли, бош директор Жузеппе Маротта, спорт директори Фабио Паратичи ва бош мураббий Массимилиано Аллегрилар таътилдан чақирилган. Йиғилиш давомида улар Роналдунинг трансфери борасида аниқ таклифни амалга ошириш масаласини муҳокама қилишган.

Шундан сўнг Маротта ва Паратичи ушбу трансферни якунлаш мақсадида Мадридга йўл олишган. Юқоридаги манбаанинг ёзишича туринликлар яқин соатлар ичида ушбу келишув бўйича барча ишларни якунлашиб, 7 июль куни бу ҳақда расман эълон қилишни режалаштиришмоқда.

Эслатиб ўтамиз, бундан аввалроқ “Ювентус” Роналдуга йилига 30 млн евро маош таклиф қилаётгани ва футболчининг ўзи “кекса синьора” сафида 7-рақамни танлагани ҳақида хабарлар тарқалган эди.