"Ювентус" етакчиларидан бири АПЛда ўйнаш истагида

"Ювентус"нинг бразилиялик ҳимоячиси Алекс Сандро ўзини Англия премьер-лигасида синаб кўриш нияти борлигини айтди.

“АПЛда тўп суришни хоҳлайман, бироқ, ҳозир “Ювентус” билан бирга А Серияда ўйнаётганимдан бахтлиман. Ҳозир бу ерда ўзимни бахтиёр ҳис қиляпман”, - дейди Сандро.

Маълумот учун, Сандро “Ювентус” сафига 2015 йил 26 млн евро эвазига “Порту”дан келиб қўшилган эди. Унга ҳозирда "Реал", ПСЖ, "Челси", "Манчестер Юнайтед" ва "Манчестер Сити" клублари жиддий қизиқиш билдиришмоқда.