"Ювентус" форварди бошқа жамоага ўтди

Туриннинг “Ювентус” клуби форварди Андреа Фавилли янги мавсумни “Женоа” сафида ўтказадиган бўлди. Бу ҳақда Football Italia нашри хабар тарқатмоқда.

Унга кўра 21 ёшли футболчи генуяликлар сафида бир мавсум ижара асосида ўйнайди. Ушбу муддат якунлангач эса “Женоа” уни 7 миллион еврога сотиб олиш ҳуқуқига эга бўлади.

Маълумот учун, Фавилли ўтган мавсум Б Сериянинг “Асколи” клубида ижара асосида ўтказиб, жами 12та ўйинда 5та гол уришга эришган.