“Ювентус” футболчиси операция қилиниши мумкин

Туриннинг “Ювентус” клуби ярим ҳимоячиси Эмре Жаннинг соғлигидаги муаммолари кутилганидан жиддий бўлиб чиқди.

Клуб расмий сайти тарқатган хабарга кўра 24 ёшли германиялик футболчи қалқонсимон безида оғриқ ҳис қилмоқда. Энди у қўшимча тиббий текширувлардан ўтказилади.

Шифокорларнинг фикрича Жан хатто жарроҳлик столига ҳам ётқизилиши мумкин.

Маълумот учун, Эмре Жан жорий мавсум “Юве” сафида 8та ўйинда майдонга тушди ва жамоасининг 1та голига ассистентлик қилишга эришган.