"Ювентус" ярим ҳимояга “Арсенал” ёки “Тоттенхэм” футболчисини таклиф қилади

Италиянинг “Ювентус” клуби марказий ярим ҳимоячи қидирмоқда. Бу борада туринликлар эътиборларини АПЛнинг икки футболчисига қаратишган. Бу ҳақда Tuttosport нашри хабар бермоқда.

Манбанинг маълум қилишича, “Юве” асосий номзод сифатида “Арсенал” футболчиси Аарон Рэмзини кўрмоқда. Ушбу хавбекнинг ёзда лондонликлар билан тузган шартномаси якунланади. Шу боис Рэмзи қишдаёқ янги жамоа билан шартнома имзолаши мумкин.

Иккинчи номзод “Тоттенхэм” вакили Кристиан Эриксен. У ҳам жамоаси билан шартномасини узайтиргани йўқ.