Германиялик футболчи мавсум аввалида Пеп Гвардиола томонидан захирага «михланиб» қўйилган эди. Аммо аста-секин асосий таркибдаги ўрнини топиб борган Лерой Сане кеча ЕЧЛнинг гуруҳ босқичи сўнгги турида «Хоффенхайм»га қарши ўйинда ўзини ҳар томонлама кўрсатишга эришди.

Кечаги ўйин Гвардиола мутлақо бахтсиз эди. У асосий таркибни ўзи истамаган услубда чиқаришга мажбур бўлди. «Манчестер Сити»даги жароҳатлар эпидемияси сабаб асосий таркиб унчалик кучли кўриниш ҳосил қилмади. Шу сабабли «Ҳоффенхайм»га қарши учрашувда бир қатор захира ўйинчиларига ўзларини кўрсатишлари учун имкон берилди.

Шу сабабли Фил Фоден Европа доирасидаги илк дебютини ўтказди. Кайл Уокерга дам бериш учун ўнг қанотда Жон Стоунс ўйнади. Бироқ бу режа умуман ишламади.

«Шаҳарликлар» жорий мавсумнинг бир неча ўйинида қийин учрашувларни ўтказди. Шулардан бири бир неча ҳафта аввал «Борнмут»га қарши баҳс эди. Кечаги баҳсда Стоунс Уокер эмаслигини кўрсатиб қўйди.

Ярим ҳимоядаги назоратни Давид Сильва ва Фернандиньоларсиз бошқариш қийинлигини Илкай Гюндоган ва Фоденлар намойиш қилиб беришди.

Кўпчилик футболчиларнинг тўлиқ қўллаб-қувватловига қарамай, Гвардиола мукаммалликка интилувчилар сирасига киради. У доим ажойиб ўйин кўрсатишни талаб қилади. Юлиан Найджелсманн қўли остидаги «Хоффенхайм» жон сақлаш мақсадида майдонга чиқди.

Улар Чемпионлар Лигасидаги иштироки де-факто аллақачон тугаган бўлсада, «шаҳарликлар»га қарши бор маҳоратларини намойиш қилиб, бошларини баланд кўтарган ҳолда тарк этишни ният қилишганди. Немис жамоасига Крамарич катта фойдаси тегди. «Лестер» мухлислари хорватиялик ҳужумчини яхши билишади. Англияда мўжиза кўрсатганидан кейин «тулкилар» айнан Крамарични не-не орзу-умидлар билан олиб келганди. Хорватиялик футболчи оқибатда «туманли Альбион»да ўзини кўрсата олмади.

Аммо катта саҳнага Лерой Сане чиқди. «Хоффенхайм» жарима майдончаси яқинида ишлаб олинган жарима зарбасига Сане яқинлашди. Одатда унга жарима нуқтасидан зарба йўллаш имконияти берилавермайди. Бироқ бу ўйин олдингиларидан фарқ қиларди. Сане жамоасига мувозанатни қайтариб берди.

Биринчи бўлимда Габриел Жезус ва Никлас Отамендилар ўзларини кўрсатишга уриниб кўришди. Бу Гвардиоланинг «А режаси» ишламаган пайтда қўллайдиган «Б режаси» ҳисобланади. Бироқ улар ҳам ёрдам беролмаган паллада Сане туфайли «Манчестер Сити» биринчи бўлимни амаллаб тугатиб олди. Иккинчи таймдагина меҳмонлар ўзларига ўхшай бошлади.

ОАВда ўтган ҳафтад кўп бора тилга олинган Раҳим Стэрлинг чақнади. Айнан у қарши ҳужумда жамоадошлари билан яхши ҳамкорликни амалга оширди ва жамоа ғалабасига катта ҳисса қўшди.

Аммо «шаҳарликлар» эришилган устунликни қисқа фурсатда рақибга топшириб қўйди. Сане ва Стэрлинглар қаттиқ меҳнат қилишсада, қолганлар ўзларига келолмаган эди. Германиялик вингер шу тариқа янги мавсумда барча мусобақалардаги еттинчи голини киритишга эришди. У кечаги ўйини билан етакчи етишмаётган бир паллада жамоасига бажонидил ёрдам бера олишини каталониялик мураббийга кўрсатиб қўйди.

Жорий мавсум Сане учун ёқимли тарзда бошланмади. Унинг Германия терма жамоаси таркибида Жаҳон Чемпионатида иштирок эта олмаганидан бошлаб фаолиятида қисқа муддат пасайиш кузатилди.

Камига Пеп Гвардиола ёзда таркибни Риёд Маҳрез билан кучайтириб олди ва бу 22 ёшли вингернинг захирага «михланиб» қолишига сабабчи бўлди. Аммо Сане ўз устида тинмай ишлади ва мураббийнинг ишончини қайта қозонишга уриниб кўрди.

Бундан кейин Сане захира варианти сифатида эмас, балки яна асосий қурол сифатида ишласа керак.

У жамоасининг ўйиндан олдинги матубот анжуманида иштирок этди. Стэрлинг билан бирга ундан келажаги борасида сўралди.

Сане 2016-йилда «Шальке»дан 37 миллион евро эвазига олиб келинганди. Унинг инглиз жамоаси билан тузган шартномаси муддати беш йил. Клуб яқинда Стэрлинг, Давид Сильва, Серхио Агуэро, Эдерсон ва Де Брюйнелар билан анча фойдали шартномалар имзолаган эди. Ҳозирча Сане билан шартнома муддати узайтирилганича йўқ.

Бироқ унинг кечаги ўйини давом этса, клуб у билан ҳам ҳамкорликни давом эттириши аниқ.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98